ચોવિસ જિનજી પ્યારા

દિલમે તુઝે બિઠાકે..

ચોવિસ જિનજી પ્યારા, જીવોને તારનારા
મોક્ષમાર્ગ ચીંધનારા, સંકટ હરે અમારા...   ...૨

રુષભ અજિત સંભવ અભિનંદન, સુમતી પદ્મપ્રભુએ
સુપાર્ષ્વ ચંદ્ર સુવિધી શીતલજી, શ્રેયાંસજી વાસુપુજ્યે
જ્ઞાન દિપક અંતર પ્રગટાવી, મોક્ષ મારગ સમઝાવે
પરમાત્મા અમારા, નોધારાના સહારા
જીવોને તારનારા, સંકટ હરે અમારા

વિમલ અનંત ધર્મ શાંતી, કુંથુજી અરનાથ
મલ્લી મુનિસુવ્રત નમીનાથજી, નેમી પાર્શ્વનાથ
વર્ધમાન મહાવીર જીનેશ્વર, ચોવિસ અરિહંત સાથ
મુક્તિ અપાવનારા, કરુણા વહાવનારા
જીવોને તારનારા, સંકટ હરે અમારા

દયાનિધી અરિહંત ચૌવિસી, ભવ ભવના દુખ કાપે
મન શાંતી તન શક્તિ આપે, સુખ સમ્રુદ્ધી વ્યાપે
ચોવિસ જીનવર નિત નિત વંદો, જીવતર પુણ્ય પ્રતાપે
સાચા ખેવનહારા, ભવથી ઉગારનારા
જીવોને તારનારા, સંકટ હરે અમારા

ચોવિસ જિનજી પ્યારા, જીવોને તારનારા
મોક્ષમાર્ગ ચીંધનારા, સંકટ હરે અમારા...